კომენტარი

მთავარია, „ქართული ოცნების“ უმრავლესობა დაიშალოს და ხელისუფლებიდან წავიდეს - დავით ბაქრაძე

„ევროპული საქართველოს“ საქმიანობაზე უმცირესობის სტატუსის დაკარგვას არანაირი გავლენა არ ექნება, - ამის შესახებ საპარლამენტო უმცირესობის ლიდერმა, დავით ბაქრაძე განაცხადა.

„გული არ დამწყდება, თუ საპარლამენტო უმცირესობის სტატუსს „ევროპული საქართველო“ დაკარგავს, რადგან მათი დაშლის შემდეგ სხვა სტატუსს მივიღებთ. ეს საპარლამენტო უმრავლესობისა და ხელისუფლების სტატუსი იქნება.

ჩვენი ამოცანაა არა ის, რომ ოპოზიციის სტატუსი შევინარჩუნოთ, არამედ „ქართული ოცნება“ დაიშალოს და ეს ხელისუფლება ქვეყანას მოშორდეს, რადგან წინ ვერ მიჰყავთ”, – ამბობს ბაქრაძე.

დეპუტატი დავით ჭიჭინაძე ვარაუდობს, რომ საპარლამენტო უმრავლესობას შვიდი დეპუტატი დატოვებს, რის შემდეგაც „ევროპული საქართველო“ საპარლამენტო უმცირესობის სტატუსის გარეშე დარჩება.