მსოფლიო

მსოფლიოს შრომისუნარიანი მოსახლეობის 5.6% უმუშევარია

შრომის საერთაშორისო ორგანიზაციის (ILO) ახალი ანგარიშის მიხედვით, მსოფლიოში 192 მილიონი ადამიანი უმუშევარია, ანუ მსოფლიოს შრომისუნარიანი მოსახლეობის 5.6% დაუსაქმებელია.

უმუშევრის ყველაზე მაღალი მაჩვენებელი დაფიქსირდა ჩრდილოეთ აფრიკაში - აქ მოსახლეობის 11.7%, ანუ 8.7 მილიონი ადამიანია უმუშევარი.

ჩრდილოეთ, სამხრეთ და დასავლეთ ევროპაში უმუშევრობის დონე ბოლო 10 წლის განმავლობაში, ყველაზე დაბალია და 8.5%-ს შეადგენს.

ანგარიშში მითითებულია, რომ 2017 წელს თითქმის 1.4 მილიარდი დასაქმებული ადამიანი მხოლოდ ღარიბულად ცხოვრების უზრუნველყოფას ახერხებს. მოსალოდნელია, რომ 2019 წლისთვის მათი რიცხვი 35 მილიონი ადამიანით გაიზარდოს. განვითარებად ქვეყნებში მგავს მდგომარეობაში 4 დასაქმებულიდან 3 იმყოფება.

ანგარიშში ნათქვამია, რომ განვითარებადი ბაზრის მქონე ქვეყნებში სიღატაკის მასშტაბი მცირდება, ხოლო 2018 წლისთვის მოსალოდნელია, რომ უკიდურეს სიღატაკეში მცხოვრებ დასაქმებულთა რიცხვი 176 მილიონამდე დავიდეს, რაც მსოფლიოს დაკავებული მოსახლეობის 7.2% იქნება.