კომენტარი

მრევლის თვალში მაინც შეინარჩუნონ სახე: გიორგი ფანცულაია-მიქაელ ბოტკოველს პასუხობს

დეკანოზ გიორგი მამალაძის ადვოკატის გიორგი ფანცულაიას თქმით, მისთვის დიდი ხანია ცნობილია რიგი სასულიერო პირების მონაწილეობა და სურვილები ე.წ ციანიდის საქმესთან მიმართებაში.

ამასთან ფანცულაიამ საპატრიარქოს მდივნის მიქაელ ბოტკოველის მიერ დღეს გაკეთებულ განცხადებას გამოეხმაურა, რომლის მიხედვით, დიდი ეჭვი არსებობს იმისა, რომ მედიას საქმის დახურული სასამართლო სხდომის აუდიომასალა ადვოკატებმა გადასცეს.

ფანცულაიას თქმით, აღნიშნული მასალები იმ პროკურატურასაც აქვს, რომელსაც მიქაელ ბოტკოველი ნდობას უცხადებს.

„ბატონი ბოტკოველისა და სხვა რიგი სასულიერო პირების დამოკიდებულება, მონაწილეობა და სურვილები ამ საქმესთან დაკავშირებით ჩემთვის დიდი ხანია ცნობილია. მრევლის თვალში მაინც შეინარჩუნონ სახე და მრევლის თვალში მაინც იყვნენ ობიექტურები. ნუ იქნებიან ისე, რომ ყველაფერში პროკურატურას ეთანხმებოდნენ.

მე მინდა ვუთხრა, მამა მიქაელ ბოტკოველს, რომ ასევე ეს მასალები აქვს იმ პროკურატურას, რომელსაც ის ნდობას უცხადებს და ასევე იმ სასამართლოს და იმ მოსამართლეს, რომელსაც ის ნდობას უცხადებს“,-აღნიშნა ფანცულაიამ.

მონიკა დავლიანიძე