კომენტარი

მქონდა იმედი, რომ გონს მოვიდოდნენ და მირზა სუბელიანს ბრალს წაუყენებდნენ - ზაზა სარალიძე

მქონდა იმედი, რომ გონს მოვიდოდნენ და მირზა სუბელიანს ბრალდებას წაუყენებდნენ, - განაცხადა ხორავას ქუჩაზე მოკლული დავით სარალიძის მამამ ზაზა სარალიძემ ტელეკომპანია ,,პირველის“ ეთერში პროკურატურის ყოფილი მაღალჩინოსანის მირზა სუბელიანის 9-საათიანი გამოკითხვის კომენტირებისას.

მისი თქმით, როგორც მინიმუმ, სუბელიანმა ნახა მკვლელი კალანდიების ოჯახში და სამართალდამცველ სტრუქტურებს არ შეატყობინა.

როგორც სარალიძემ აღნიშნა, მის მიერ ხელისუფლებისადმი წაყენებული მოთხოვნა 10 ივნისამდე დამნაშავეების დასჯის შესახებ ძალაში რჩება, წინააღმდეგ შემთხვევაში საპროტესტო აქციები განახლდება.

„რას ჰქვია გაუთქმელობაზე ხელის მოწერა, მე ვეღარ ვხვდები?! პირიქით, საზოგადოება დაინტერესებულია, რა ხდება და რასთან დაკავშირებით მიდიოდა მირზა სუბელიანის დაკითხვა. მე მაგათთვის ულტიმატუმი არ წამიყენებია, რომ ჩუმად აწარმოონ ეს საქმე. 6 თვე ჩუმად აწარმოეს და შედეგიც მივიღეთ. გაუთქმელობაზე კი არა, თვითონ შს მინისტრმა გააკეთოს ბრიფინგი, რასთან დაკავშირებით იკითხებოდა მირზა სუბელიანი“, - განაცხადა სარალიძემ.

ცნობისათვის, მირზა სუბელიანმა შსს-ს დატოვების შემდეგ განაცხადა, რომ მას გაუთქმელობაზე აქვს ხელი მოწერილი და შესაბამისად, გამოკითხვის შესახებ ვერ ისაუბრებს.