კომენტარი

მოვუწოდებ პოლიტიკოსებს, დეპუტატებს, მაჟორიტარობის კანდიდატებს, რომ დაძაბულობა ხელოვნურად არ შექმნან - თეა წულუკიანი

იუსტიციის მინისტრის, უწყებათაშორისი კომისიის თავმდჯომარის, თეა წულუკიანის შეფასებით, გუშინ რიგი დეპუტატი ნეგატიური პროცესების პროვოცირებას ცდილობდა.

წულუკიანმა, მთავრობის დღევანდელი სხდომის დასრულების შემდეგ მოუწოდა პოლიტიკოსებს, დეპუტატებს, მაჟორიტარობის კანდიდატებს დაძაბულობა ხელოვნურად არ შექმნან.

„ვფიქრობ ნებისმიერ ქვეყანაში, დემოკრატიულ საზოგადოებაში, ციებ-ცხელება წინასაარჩევნო კამპანიის ნაწილია, თუმცა ჩვენ გუშინ ვიხილეთ, როგორ იქცეოდა ზოგიერთი დეპუტატი და როგორ ცდილობდა ნეგატიური პროცესების პროვოცირებას.

როგორც უწყებათაშორისი კომისიის თავმჯდომარემ, მინდა, ყველას მოვუწოდო პოლიტიკოსს, დეპუტატს, მაჟორიტარობის კანდიდატს, ნებისმიერი პარტიიდან, რომ ხელოვნურად ნუ შექმნიან დაძაბულობას, რადგან ამ ქვეყანაში წინასაარჩევნო კამპანიისას სახელმწიფოს მხრიდან დაძაბულობა არ არსებობს. შეეცადონ, რომ ერთმანეთს შეეჯიბრონ მშვიდ გარემოში, რადგან ნებისმიერ ასეთ პროვოცირებულ დაძაბულობებს უყურებს ამომრჩეველი და ამომრჩეველზე უნდა იყოს გათვლილი ნებისმიერი ქმედება.

ვიმედოვნებ, გუშინდელი ქმედებები ნეგატიურად არ აისახება ამომრჩევლის მხრიდან იმ პოლიტიკოსებზე და პარტიებზე, ვინც ამაში მონაწილეობდა. კარგია, რომ მდგომარეობა მალე სიმშვიდეს დაუბრუნდა.

ვისურვებ, რომ ვინც დააკავეს, მალე გათავისუფლებულიყოს, რათა შეძლონ გააგრძელონ მაქსიმალურად სწრაფად, თავიანთი კამპანია, რომელიც უნდა აწარმოონ კანონის ფარგლებში“,- განაცხადა თეა წულუკიანმა.

მონიკა დავლიანიძე