მსოფლიო

მოვითხოვ უკრაინაში დაბრუნებას, ბოლომდე უნდა დავიცვა ჩემი თავი - სააკაშვილი

საქართველოს ექს-პრეზიდენტი და ოდესის ყოფილი გუბერნატორი, მიხეილ სააკაშვილი გამოეხმაურა უკრაინის გენპროკურატურის მიერ მის წინააღმდეგ წარმოებული გამოძიების შეჩერებას. პოლიტიკოსს ბრალად ედებოდა დანაშაულებრივ ორგანიზაციასთან თანამშრომლობაში.

„სირცხვილი უკრაინის მთელ ვაი-ხელისუფლებას ამ გაყალბებული საქმის გამო, რომელიც მათ ახლა შეაჩერეს. და მარტო ამათ კი არ უნდა რცხვენოდეთ, არამედ რამდენიმე ფსევდოოპოზიციონერს, რომლებიც სამარცხვინოდ დუმდნენ, როცა ცილი დამწამეს, ციხეში ჩამაგდეს და სასამართლოებზე მათრევდნენ. ზუსტად ამ ყალბ „ოპოზიციონერებზე“ დგანან ბარიგები.

მე მოვითხოვ „შეჩერების“ გაუქმებას, ასევე უკრაინაში დაბრუნების საშუალება მომეცეს, ბოლომდე დავიცვა ჩემი თავი, მერე კი ვაპირებ ლუცენკოს, უკრაინის უსაფრთხოების სამსახურის ხელმძღვანელობის, პროკურორების დანაშაულებრივი ბრძანებების უშუალოდ შემსრულებლების, ასევე სააპელაციო სასამართლოს სამი ღორსიფათიანი მოსამართლის დაპატიმრებას“, - დაწერა სააკაშვილმა ფეისბუკის საკუთარ გვერდზე.

გენპროკურატურის განცხადებაში მითითებულია, რომ წინასასამართლო გამოძიება შეჩერებულია საერთაშორისო თანამშრომლობის ფარგლებში პროცესუალური მოქმედებების შესრულების აუცილებლობის გამო.