მსოფლიო

მოსკოვში ანონიმური ზარების გამო ხალხის ევაკუაცია მიმდინარეობს

მოსკოვში ანონიმური ზარების გამო სადგურებზე, სავაჭრო ცენტრებსა და უნივერსიტეტებში ევაკუაციის პროცესი მიმდინარეობს. РИА Новости-ის ინფორმაციით, ანონიმური ზარების მიხედვით ზოგიერთი შენობა დანაღმულია.

სამართალდამცველები 23 ობიექტს ამოწმებენ, მათ შორისაა კიევის, იაროსლავისა და კაზანის სადგურები, სავაჭრო ცენტრი „მეტროპოლისი“ და საერთაშორისო ურთიერთობების მოსკოვის სახელმწიფო უნივერსიტეტი. იძებნებიან ანონიმური ზარების ავტორები.

რუსეთის რკინიგზაში განაცხადეს, რომ ევაკუაცია არ აისახა სადგურების მუშაობასა და მატარებლების მოძრაობაზე.

რუსული მედიის ინფორმაციით, ბოლო დროს რუსეთის დიდ ქალაქებში გახშირდა ანონიმური ზარები ადმინისტრაციულ შენობებში, უნივერსიტეტებში, სკოლებში, კინოთეატრებსა და სადგურებში დამონტაჟებული ასაფეთქებელი მოწყობილობების შესახებ.

სამართალდამცავი ორგანოების ინფორმაციით, გუშინ ანონიმური ზარების გამო 22 ქალაქში 45 ათასი ადამიანი იყო ევაკუირებული. არცერთი შეტყობინება არ დადასტურდა. დღეს ასაფეთქებლის შესახებ შემოსული ზარების გამო 17 ქალაქში 190 ობიექტია შემოწმებული.