მსოფლიო

მოსკოვის მერიამ ბორის ნემცოვის ხსოვნას მიძღვნილი მარშის გამართვაზე თანხმობა განაცხადა

მოსკოვის მერიამ რუსი ოპოზიციონერის, ბორის ნემცოვის ხსოვნას მიძღვნილი მარშის გამართვაზე თანხმობა განაცხადა და მსვლელობის მარშუტიც შეაჯერა.

მარშის ორგანიზატორები 26 თებერვალს ქალაქის ცენტრში 13:00-ზე შეიკრიბებიან, მსვლელობა კი 14:00-ზე - 16:00 საათამდე გაგრძელდება.

ორგანიზატორების ვარაუდით მარშს 30 ათასი ადამიანი დაესწრება.

შეგახსენებთ, რომ რუსი ოპოზიციონერი ბორის ნემცოვი 2015 წლის 27 თებერვალს მოსკოვის ცენტრში მოკლეს.

რუსეთის საგამოძიებო კომიტეტმა საქმეზე მაშინ 5 ეჭვმიტანილი პირი დააკავა, რომლებსაც მოგვიანებით ბრალი წაუყენა.

ერთ–ერთმა ბრალდებულმა ზაურ დადაევმა დანაშაული აღიარა, თუმცა შემდეგ განაცხადა, რომ ეს იმიტომ გააკეთა, რომ „დაკავებისას ბრალი რომ არ ეღიარებინა, ადგილზე მოკლავდნენ“.

მონიკა დავლიანიძე