მსოფლიო

მოსკოვის ერთ-ერთ ქარხანაში დაწესებულების ყოფილმა მფლობელმა ცეცხლი გახსნა, ერთი პირი დაიღუპა

მოსკოვის სამხრეთ-აღმოსავლეთში მდებარე საკონდიტრო ქარხანა „მენშევიკში“ მამაკაცმა ცეცხლი გახსნა. რუსული მედიის ინფორმაციით, მან ერთი პირი მოკლა.

„ერთი ადამიანი მოკლა სროლისას, სამი კი დაჭრილია“, - უთხრეს სააგენტო ТАСС-ს.

სამართალდამცველების ცნობით, სავარაუდოდ მან მძევლები აიყვანა.

წინასწარი იფნრომაციით, სროლა ატეხა ქარხნის ყოფილმა მფლობელმა. რადიო Business FM-ი მასთან დაკავშირება მოახერხა. შენობის ყოფილი მფლობელის თქმით, ის გააკოტრეს და ქარხანა ყალბი დოკუმენტების მეშვეობით ჩამოართვეს. მისი თქმით, მას 8 შვილი ჰყავს.

შენობის ირგვლივ სამართალდამცველებია მობილიზებული.

ანა მებურიშვილი