კომენტარი

მოსამართლეთა არჩევის პროცესის დაჩქარებულად და გაუმჭვირვალედ წარმართვა, მართმსაჯულებისადმი ნდობას აზიანებს - დავით ასათიანი

უზენაესი სასამართლოს მოსამართლეთა არჩევის პროცესის დაჩქარებულად და გაუმჭვირვალედ წარმართვა, მართლმსაჯულებისადმი ნდობას აზიანებს, რაც საზოგადოებაში ისედაც დაბალია, - ამის შესახებ ადვოკატთა ასოციაციის თავმჯდომარემ, დავით ასათიანმა განცხადა.

ასათიანის თქმით, უზენაესი სასამართლოს მოასამართლეების დამტკიცების პროცესში კრიტიკულად მნიშვნელოვანია იურიდიული პროფესიის წარმომადგენელთა აზრის გათვალისწინება.

„უზენაესი სასაამართლოს მოსამართლეებს, რომლებიც უვადოდ გამწესდებიან, უნდა ჰქონდეთ მაღალი ნდობა იურიდიული პროფესიის მხრიდან და საზოგადოების მხრიდან. იმ პირობებში, როცა სასამართლო სისტემის მიმართ ნდობა არის დაბალი, მნიშვნელოვანია, რომ უზენაეს სასამართლოში მხოლოდ მაღალი რეპუტაციისა და კვალიფიკაციის იურისტები გამწესდნენ“, - აღნიშნა დავით ასათიანმა.

მისი თქმით, მზად არიან შეხვდნენ როგორც პოლიტიკოსების ფართო სპექტრს, ასევე იუსტიცის საბჭოს ფორმატშიც მიიღონ მონაწილოება.