კომენტარი

მნიშვნელოვანია, შენარჩუნდეს პრეზიდენტის არჩევითობის ინსტიტუტი - ოთარ კახიძე

თუ პრეზიდენტის არჩევითობის მიმართულებით რაიმე დაიხვეწება, პრინციპულია, რომ მისი არჩევითობის საკითხი არ უნდა გადაიხედოს, - განუცხადა ჟურნალისტებს პარლამენტის ფრაქცია „ევროპული საქართველოს“ წევრმა, ოთარ კახიძემ საკონსტიტუციო კომისიის ფარგლებში შექმნილი სასამართლოსა და ადამიანის უფლებებზე მომუშავე სამუშაო ჯგუფის შეხვედრის დაწყებამდე.

მისი თქმით, სამუშაო ჯგუფში შესული საკითხები სხვადასხვაა და ძირითადად ეხება რამდენიმე თემას.

„ამ პრობლემატიკის გათვალისწინებით უნდა დაიხვეწოს საქართველოს კონსტიტუცია, ასევე სახელძღვანელო იქნება ვენეციის კომისიის მიერ მომზადებული დასკვნები. ჩვენ ვთვლით, რომ ნაფიცი მსაჯულების სასამართლოს მეტი ინსტიტუციონალური გარანტიები უნდა იყოს ჩადებული კონსტიტუციაში. ასევე მნიშვნელოვანია, რომ შენარჩუნდეს პრეზიდენტის არჩევითობის ინსტიტუტი და თუ ამ მიმართულებით რაიმე დაიხვეწება, პრინციპულად ეს საკითხი არ უნდა გადაიხედოს. თავად კომისია რომ დაიწყებს მუშაობას, შემდეგ უკვე წამოიჭრება საკითხები, რომლებზეც შესაძლოა, გვქონდეს მოსაზრებათა თანხვედრა, ან წინააღმდეგობა”, - განაცხადა ოთარ კახიძემ.

ნინო ექვთიმიშვილი