კომენტარი

მივმართავ 51-ე სკოლის ადმინისტრაციას, დაუყოვნებლივ გამოაშკარავონ, იყო თუ არა ჩემი შვილი მოძალადე, არაფერი არ დამალონ - ზაზა სარალიძე

ხორავას ქუჩაზე მოკლული დავით სარალიძის მამამ, ზაზა სარალიძემ მიმართა 51-ე სკოლის ადმინისტრაციას, გამოაქვეყნონ ინფორმაცია, იყო თუ არა მისი შვილი მოძალადე.

როგორც სარალიძემ ჟურნალისტებს განუცხადა, ვრცელდება ცნობები, რომ დავით სარალიძე სხვებზე ძალადობდა და ფულს სძალავდა.

სარალიძის თქმით, თუ ეს ინფორმაცია დადასტურდება, მაშინ დადგება სკოლის ადმინისტრაციის პასუხისმგებლობის საკითხი.

„ვრცელდება „ფეისბუქსა“ და სხვა წყაროებით, რომ ჩემი შვილი არის გამომძალველი, ვიღაც-ვიღაცებს ტუალეტში აყოფინებდა თავს და ა.შ.. მივმართავ 51-ე სკოლის ადმინისტრაციას, დაუყოვნებლივ გამოააშკარაონ ჩემი შვილის ვინაობა, თუ იყო მოძალადე, თქვან, არ დამალონ არაფერი. თუ ჩემი შვილი მოძალადე იყო და ამ სკოლაში ძალადობა ხდება, მეთანხმებით ალბათ, რომ 51-ე სკოლის პასუხისმგებლობა დგება. თუ არ იყო მოძალადე, ადგნენ და გამოააშკარაონ ყველაფერი. ვერ ვხედავ ვერცერთ ნაბიჯს, რომ ჩემი შვილის სულის სიწმინდე დაიცვან", - განაცხადა სარალიძემ.