მსოფლიო

მითხრეს, მალდივებზე ერთწლიან საგზურს გიყიდით, ოღონდ თავი დაგვანებე - მიხეილ სააკაშვილი

საქართველოს ყოფილი პრეზიდენტისა და ოდესის ექს-გუბერნატორის, მიხეილ სააკაშვილის მტკიცებით, უკრაინის ხელისუფლებამ მის მოსაშორებლად ჰოლანდიაში წასვლას ან მალდივებზე 1 წლის გატარებას სთავაზობდა.

„ლუცენკომ გუშინ თქვა - ჩვენ მას დავაპატიმრებთ, მაგრამ მას შეუძლია ქვეყნიდან წასვლა. ანუ, სახელმწიფო დამნაშავეა, მაგრამ ქვეყნის დატოვება შეუძლია. მაგრამ, თუკი არ წავა, ჩვენ საქართველოს გადავცემთ. სადმე გინახავთ ასეთი იურიდიული პრეცედენტი? ისინი მეუბნებიან, თუ არ გინდა, დიდი უბედურება შეგემთხვას, აგიღებთ ბილეთს ნიდერლანდებში ან თუნდაც მალდივებზე გიყიდით ერთწლიან საგზურს 2019 წლამდე, ოღონდ თავი დაგვანებე“, -თქვა სააკაშვილმა ტელეარხ NewsOne-ის გადაცემაში „Украинский формат“.

„ახალი ძალების მოძრაობის“ ლიდერმა არ გამორიცხა, რომ მოკლან და ამაში დაადანაშაულონ რუსეთის უსაფრთხოების ფედერალური სამსახური.

ანა მებურიშვილი