მსოფლიო

მინდა, კარიერა წარმატებით დავასრულო - ვლადიმირ პუტინი

რუსეთის პრეზიდენტი ვლადიმირ პუტინი ოცნებობს კარიერა წარმატებით დაასრულოს, ასევე უნდა დიდი დრო მოგზაურობას დაუთმოს.

ამის შესახებ რუსეთის ლიდერმა, ჩელიაბინსკის ქარხნის მუშებთან შეხვედრის დროს განაცხადა.
„დღეს, ჩემი ყველა მგზავრობა გულისხმობს აეროპორტში ჩასვლას, იქიდან სხვა შენობაში გადასვლას, შემდეგ ისევ უკან აეროპორტში დაბრუნებას. გამოდის, თითქოს სადღაც ვიმგზავრე. მინდა, რასაკვირველია, სხვაგვარად ვიმოგზაურო, ბუნება ვნახო, ისტორიული ღირშესანიშნაობები დავათვალიერო“,-აღნიშნა პუტინმა.

პრეზიდენტთან შეხვედრაზე ერთ-ერთმა მუშამ თქვა, რომ ოცნებობს წარმატებული კარიერა ჰქონდეს, შემდეგ კი პრეზიდენტს მიმართა კითხვით, თუ რაზე ოცნებობს იგი.

„მინდა კარიერა წარმატებით დავასრულო“,-უპასუხა პუტინმა.

მონიკა დავლიანიძე