მსოფლიო

მიხეილ სააკაშვილს დანაშაულებრივი ორგანიზაციის წევრებთან თანამშრომლობასა და მათი დანაშაულებრივი საქმიანობის დაფარვაში ადანაშაულებენ

საქართველოს ყოფილ პრეზიდენტსა და ოდესის ექს-გუბერნატორ მიხეილ სააკაშვილს ბრალი წარუდგინეს დანაშაულებრივ ორგანიზაციის წევრებთან თანამშრომლობის გამო. ამის შესახებ იუწყება უკრაინის უსაფრთხოების სამსახური.

„2017 წლის 5 დეკემბერს უკრაინის უსაფრთხოების სამსახურის თანამშრომლები უკრაინის გენერალურ პროკურატურასთან ერთად სისხლისსამართლებრივი წარმოების ფარგლებში, რომელიც მიმდინარეობს უკრაინის სსკ-ის 256-ე მუხლის პირველი ნაწილით („დანაშაულებრივი ორგანიზაციის წევრებთან თანამშრომლობა და მათი დანაშაულებრივი საქმიანობის დაფარვა“), დააკავეს სააკაშვილი მის საცხოვრებელ სახლში კიევში“, - წერია განცხადებაში.

უკრაინის უსაფრტთხოების სამსახურის ინფორმაციით, დაკავებისას სააკაშვილს ბრალი გააცნეს და მისი დაკითხვა მალე მოხდება.

მუხლი ითვალისწინებს თავისუფლების აღკვეთას 3-დან 5 წლამდე.

ანა მებურიშვილი