მსოფლიო

მიხეილ სააკაშვილის მიერ უკრაინის საზღვრის გარღვევის ფაქტზე ლვოვის პოლიციამ გამოძიება დაიწყო

ლვოვის პოლიციამ მიხიელ სააკაშვილისა და მისი მომხრეების მიერ სახელმწიფო საზღვრის გარღვევის ფაქტზე გამოძიება, „სახელმწიფო საზღვრის უკანონოდ გადაკვეთის“ მუხლით დაიწყო.

ამის შესახებ უკრაინის შინაგან საქმეთა სამინისტროს მიერ გავრცელებულ განცხადებაშია ნათქვამი.

„დღეს, 11 სექტემბერს, ლვოვის პოლიციამ პოლონეთ-უკრაინის „შეგინის“ გამშვებ პუნქტთან მომხდარი ინციდენტის გამოძიება 332 მუხლით დაიწყო, რაც უკრაინის სახელმწიფო საზღვრის უკანონო გადაკვეთას გულისხმობს“,-აღნიშნეს უწყებაში.

გარდა ამისა, უწყებაში აცხადებენ,რომ საზღვრის გარღვევის დროს ეროვნული პოლიციის 12 და სახელმწიფო სასაზღვროს სამსახურის 5 თანამშრომელი დაშავდა.

ამასთან, სახელმწიფო სასაზღვრო სამსახურის ადმინისტრაცია მოუწოდებს ყველა პირას, ვინც 10 სექტემბერს „შეგინი“-ს საზღავრი უკანონოდ გაადაკვეთა, მივიდნენ გამშვებ პუნქტთან და შესაბამისი დოკუმენტები გააფორმონ.

მონიკა დავლიანიძე