მსოფლიო

მიხეილ სააკაშვილი უკრაინის სამიგრაციო სამსახურს დამატებითი დაცვის უზრუნველყოფის თხოვნით მიმართა

საქართველოს ყოფილი პრეზიდენტის, ოდესის ოლქის ყოფილი გუბერნატორის ადვოკატმა მარკიან გალაბალამ, უკრაინის სამიგრაციო სამსახურს განცხადებით მიმართა, რომ სააკაშვილი ისეთ პირად იყოს მიჩნეული, რომელსაც დამატებითი დაცვა სჭირდება.

ამის შესახებ გალაბალამ ტელეარხ NewsOne-თან საუბარში განაცხადა.

„განცხადება „ლტოლვილთა და დევნილთა შესახებ“ კანონის ფარგლებში გაკეთდა“,-განმარტა ადვოკატმა.
მისი თქმით განაცხადის გაკეთების რამდენიმე მიზეზი იყო.

„მიხიელ სააკაშვილი, შესაძლოა, საქართველოს ხელისუფლების მხრიდან დევნის ობიექტი გახდეს. იუსტიციის მინისტრის მოადგილის სერგეი პეტუხოვის განცხადებით, საქართველომ მიხიელ სააკაშვილის ექსტრადირების შესახებ გააკეთა განაცხადი. ვშიშობთ, რომ ამ მოთხოვნის დაკმაყოფილების შემთხვევაში, საქართველოში სააკაშვილს აწამებენ, ან მას სამართლებრივი სასამართლოს უფლებას წაართმევენ.

იმისათვის, რომ სააკაშვილი საქართველოსთვის არ იყოს გადაცემული და უკრაინის ხელისუფლებამ მისი დაცვის დამატებითი ვალდებულება აიღოს, ჩვენ განაცხადი გავაკეთეთ“,-განმარტა ადვოკატმა.

გალაბალას თქმით, სააკაშვილს დღეს ისედაც აქვს დამატებითი დაცვა სახელმწიფოს მხრიდან, როგორც მოქალაქეობის არმქონე, მაგრამ ქვეყანაში მუდმივ საფუძველზე მყოფ პირს.

მონიკა დავლიანიძე