მსოფლიო

მიხეილ სააკაშვილი პეტრო პოროშენკოს პასუხობს

საქართველოს ექს-პრეზიდენტი, ოდესის ოლქის ყოფილი გუბერნატორი მიხეილ სააკაშვილი, უკრაინის პრეზიდენტის პეტრო პოროშენკოს მიერ გაკეთებულ განცხადებას გამოეხმაურა.

22 ივნისს ბრიუსელში მყოფმა პოროშენკომ მედიასთან საუბარში განაცხადა, რომ არ იცის რას აკეთებეს სააკაშვილი უკრაინაში.

პრეზიდენტის თქმით, სააკაშვილი მიწვეული იყო მის დასახმარებლად, მაგრამ, შედეგები სახეზეა.

უკრაინის პრეზიდენტმა აღნიშნა,რომ სააკაშვილს არაფერი მნიშვნელოვანი უკრაინაში არ გაუკეთებია.

როგორც სააკაშვილმა Facebook-ში პირად გვერდზე დაწერა, ტყუილია, რომ პორორშენკომ არ იცის, თუ რას აკეთებეს ყოფილი გუბერნატორი, რადგან, სააკაშვილის თქმით, პორორშენკო უსაფრთხოების სამსახურებიდან მუდმივად ღებულობს ინფორმაციას მის გადაადგილბასთან და საქმიანობასთან დაკავშირებით.

„ის ამბობს, რომ არ იცის, რას ვაკეთებ, გეგონოთ! ის რეგულალურად უსმენს მის მიერ ხელდასმული უსაფრთხოების სამსახურის უფროსის, დემჩინისგან ინფორმაციას ჩემს გადაადგილებაზე, კონტაქტებსა და საქმიანობის შესახებ.

თუმცა, მან ყველაფერი გააკეთა, რომ უკრაინის მოსახლეობამ არ იცოდეს, თუ რას ვაკეთებთ, რა არის ჩვენი პროგრამა. ის თავად არის დაკავებული იმით, რომ ყველა ცენტრალურ არხზე ვიყოთ ბლოკირებული.

არაუშავს, გავუმკლავდებით. ყველაფერს გავაკეთებ, რომ ჩვენი ქვეყანა მისთვის არ გახდეს „ჩემი ქვეყანა“, არამედ, გახდეს ყველა უკრაინელის ქვეყანა“,-წერს სააკაშვილი.

მონიკა დავლიანიძე