კომენტარი

მიხეილ ჯანელიძე რუსეთის ხელისუფლების მსგავსად, ჭეშმარიტების დადგენის აუცილებლობაზე საუბრობს - გიორგი კანდელაკი

პარტია „ევროპული საქართველო” შეშფოთებას გამოთქვამს საქართველოს საგარეო საქმეთა მინისტრის მიერ „ტვიტერზე” გაკეთებული განცხადების გამო.

ოპოზიციონერი დეპუტატის თქმით, მინისტრი ჯანელიძე რუსეთის ხელისუფლების მსგავსად, ჭეშმარიტების დადგენის აუცილებლობაზე საუბრობს მაშინ, როდესაც ბრიტანეთის პრემიერი და აშშ დარწმუნებით საუბრობენ საქმეში რუსეთის ბრალეულობაზე.

,,მაშინ, როდესაც ბრიტანეთის პრემიერმა და აშშ-მ დარწმუნებით განაცხადეს ამ მტრულ აქტში რუსეთის პასუხისმგებლობის შესახებ, საქართველოს საგარეო საქმეთა მინისტრი რუსეთის ხელისუფლების მსგავსად, სიმართლის დადგენის აუცილებლობაზე საუბრობს. ეს მინიმუმ არაკომპეტენტურია და საქართველოს მოკავშირეების, პირველ რიგში დიდი ბრიტანეთის მიმართ უპატივცემულობას გამოხატავს”,-აცხადებს გიორგი კანდელაკი.

მისივე თქმით, „ევროპულ საქართველოში” ამბობენ, რომ მათთვის ასევე მიუღებელია პრემიერის მიერ გაკეთებული მიმართვა რუსეთის ხელისუფლების მიმართ.

ოპოზიციონერი დეპუტატის განცხადებით, იმ ფონზე, როდესაც ბრიტანეთი “მაგნიტსკის სიის” მიღებას გეგმავს , „ოთხოზორია-ტატუნაშვილის სიის” მიღება აღარ უნდა გაჭიანურდეს.

ნინო ევთიმიშვილი