კომენტარი

მერობის კანდიდატს მოგვიანებით წარვადგენთ - ირაკლი კობახიძე

საქართველოს პარლამენტის თავმჯდომარე ირაკლი კობახიძე არ გამორიცხავს,რომ „ქართული ოცნების“ მერობის კანდიდატი, შესაძლოა, ვიცე-პრემიერი კახა კალაძე იყოს, თუმცა აღნიშნავს, რომ გუნდში ერთიანი პოზიცია ჩამოყალიბებული არ არის.

როგორც კობახიძემ მედიას განუცხადა, მერობის კანდიდატი მოგვიანებით დასახელდება.

„ჩვენ არაფერს არ გამოვრიცხავთ. თუმცა რაც შეეხება კონკრეტულ ინფორმაციას, ეს ინფორმაცია გახდება ცნობილი ფართო საზოგადოებისთვის მას შემდეგ, რაც კანდიდატი ოფიციალურად იქნება დასახელებული. ჯერჯერობით, კანდიდატურასთან დაკავშირებით ჩამოყალიბებული პოზიცია არ არსებობს. იყო გარკვეული წინასწარი ინფორმაცია გაჟღერებული, თუმცა ჩვენ გვაქვს დრო იმისათვის, რომ ჩვენი კანდიდატი ოფიციალურად წარვადგინოთ. ეს იქნება მოგვიანებით და ამის შემდეგ გვეცოდინება თუ ვინ იქნება „ქართული ოცნების“ მერობის კანდიდატი“,-განაცხადა კობახიძემ.

მონიკა დავლიანიძე