მსოფლიო

მექსიკელმა მაშველებმა სკოლის ნანგრევებიდან 12 წლის გოგოს გამოყვანა შეძლეს - ბოლო ინფორმაციით, გადარჩენილია 50-ზე მეტი ადამიანი

მექსიკაში 7.1 მაგნიტუდის სიმძლავრის მიწისძვრის შედეგად სულ მცირე 237 ადამიანი დაიღუპა, 1900 ადამიანი კი დაშავდა. - იუწყება როიტერსი.

გამოცემის ინფორმაციით, მაშველებმა მოახერხეს ენრიკე რებსამენის საჯარო სკოლის ნანგრევებიდან 12 წლის გოგონას ამოყვანა. მაშველებმა ოპერაციის დროს ბავშვის ხელი აღმოაჩინეს. გოგოსთან საუბრისას გაირკვა, რომ მასთან ახლოს კიდევ ორი მოსწავლე იყო, მაგრამ ის არაა დარწმუნებული ბავშვები გადარჩენენ თუ არა.

ამ დროისთვს ცნობილია, რომ საჯარო სკოლის ჩამონგრევის შედეგად 21 ბავშვი და 4 სრულწლოვანი დაიღუპა.

მექსიკის პრეზიდენტ ენრიკე პენია ნიეტოს ინფორმაციით, მაშველებმა ნანგრევებიდან 50-ზე მეტი ადამიანი გამოიყვანეს.

როგორც მეხიკოს მერმა, მიგელ ანჰელ მანსერამ ჟურნალისტებს განუცხადა, მარტო მექსიკის დედაქალქში 52 შენობა დაინგრა.

დაახლოებით 4 750 000 მომხმარებელს ეროვნულმა ელექტროკომპანიამ ელექტროენერგიის მიწოდება აღუდგინა.

შეგახსენებთ, სექტემბერში ეს უკვე მეორე მიწისძვრაა, რომელიც მექსიკას თავს დაატყა. 7 სექტემბრის 8.1 მაგნიიტუდის სიმძლავრის ბიძგებს დაახლოებით 100 ადამიანის სიცოცხლე შეეწირა.

19 სექტემბრის ბიძგები დაემთხვა 1985 წლის დამანგრეველი მიწისძვრის წლისთავს. მაშინდელ

კატასტროფას 10 000 ადამიანის სიცოცხლე შეეწირა.

ანა მებურიშვილი