კომენტარი

მეგონა ჩემზე დაბრალება უკვე მოდიდან გადასული სპორტის სახეობა იყო -გიორგი ქადაგიძე

მე მეგონა, რომ ჩემზე დაბრალება უკვე მოდიდან გადასული სპორტის სახეობა იყო, - ასე გამოეხმაურა ეროვნული ბანკის ყოფილი პრეზიდენტმა გიორგი ქადაგიძე ფინანსთა მინისტრის მამუკა ბახტაძის მიერ გაკეთებულ იმ განცხადებას, რომ მოსახლეობაში ჭარბვალიანობის ტენდენცია 2008 წლიდან დაიწყო და ,,მოხდა ისე, რომ ეროვნულ ბანკში ახალი ხელმძღვანელის მოსვლამდე ვერ დავიწყეთ პრობლემის მოგვარებაზე მუშაობა.“

„სერიოზულად თუ ვისაუბრებთ, მთავარი კითხვები, რომლებიც უნდა დაისვას არის - რატომ ვერ ხერხდება ეკონომიკური ზრდის ქართული ოჯახების ჯიბეზე ასახვა, რატომ ვერ ხერხდება, რომ საშუალო ფენა ძალიან მცირე ტემპით იზრდება და რატომ ვერ ხერხდება, რომ ჩვენ ვერა და ვერ დავძლიეთ სიღარიბე. ეს არის ის მთავარი კითხვები, რომლებზეც უნდა იქნას პასუხები გაცემული და ამ კითხვებზე სწორი პასუხის შემთხვევაში ყველა სხვა კითხვები ცხადია, დღის წესრიგიდან მოიხსნება. ამოცანა უნდა იყოს, რომ ეკონომიკური ზრდა და სხვა პოლიტიკა აისახოს დადებითად თითოეული ოჯახის კეთილდღეობასა და მათ ჯიბეზე“, - აცხადებს ქადაგიძე.