კომენტარი

მეგობრულად უნდა ვურჩიოთ ყველას, არ გაბედონ ძალადობა, კანონის დარღვევა, წინააღმდეგ შემთხვევაში კანონი იქნება ძალიან მკაცრი მათ მიმართ - ირაკლი კობახიძე

ყველას შეუძლია, შეიკრიბოს და გამოხატოს საკუთარი აზრი მშვიდობიანად, ეს იქნება უზრუნველყოფილი 4 ოქტომბერსაც, ამავდროულად, მინდა, გავაფრთხილო ყველა, არ დაარღვიონ კანონი, როგორც კი კანონს დაარღვევენ, მაშინვე მიიღებენ მკაცრ კანონისმიერ პასუხს, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა.

მისი თქმით, კანონის წინაშე ყველა მკაცრად აგებს პასუხს.

„მინდა, შევახსენო ყველას, ვინც იყო ჩართული ძალადობაში, მათი მცირე ნაწილი, 30-ზე მეტი ადამიანი არის პასუხისგებაში მიცემული, სასჯელი არის საკმაოდ მკაცრი, ორი წლიდან იწყება, არის ოთხი, ოთხნახევარი წელიც. ყველას მინდა, შევახსენო, თუ ვინმეს წაუცდება ხელი კანონის დარღვევაზე, მიიღებს მკაცრ პასუხს. შესაბამისად, მეგობრულად უნდა ვურჩიოთ ყველას, არ გაბედონ ძალადობა, კანონის დარღვევა, წინააღმდეგ შემთხვევაში კანონი იქნება ძალიან მკაცრი მათ მიმართ“, – განაცხადა კობახიძემ.