კომენტარი

მეგის ქარდავას დეიდაშვილი მემუქრება - ლელა ქებურია

ნაციონალური მოძრაობის წევრის, ლელა ქებურიას განცხადებით, მის მიერ მუქარის შემცველი შეტყობინების გასაჯაროების მიზანი არ ყოფილა, რომ ვინმეს მიმართ სისხლის სამართლის დევნა ახორციელოს.

ამის შესახებ ქებურიამ საკითხის კომენტირებისას მედიას განუცხადა.

მისი თქმით, ამაზე ხმამაღლა საუბრის მიზანი არის ის, რომ პარტიაში იმ ადამიანების ადგილი არ არის, ვისაც ჰგონია, რომ მანიპულაციებით მოახდენენ ადამიანებზე ზეწოლას.

„ამის გასაჯაროების მიზანი არ ყოფილა ის, რომ ვინმეს მიმართ სისხლის სამართლის დევნა ვახორციელო. ეს უკვე სხვა უწყებების საქმეა. მე უბრალოდ მინდოდა გამოვხმაურებოდი იმ პოლიტიკურ სიბინძურეს, რომელიც მიზანმიმართულად მიმდინარეობს სამეგრელოს დეპუტაციის მიმართ დიდი ხანია და ეს არის ამ მიზანმიმართული კამპანიის ნაწილი. აუცილებლად უნდა ვთქვა, რომ ადამიანებს, რომლებსაც ჯერ კიდევ ჰგონიათ, რომ მსგავსი მანიპულაციებით შეუძლიათ ადამიანებზე ზეწოლა განახორციელონ, მათ ჩვენს პარტიაში ადგილი არ აქვთ“, - განაცხადა ქებურიამ.

მისი თქმით, შეტყობინება მიიღო, რომელშიც მეგის ქარდავას დეიდაშვილი ნიკა ლოგუა მას ემუქრება.

როგორც ლოგუა წერს, დრო აჩვენებს, თუ ვინ გაიმარჯვებს პარტიაში მიხეილ სააკაშვილი თუ გიგა ბოკერია, და შემდეგ ლელა ქებურიას პასუხი ექნება გასაცემი.

მონიკა დავლიანიძე