კომენტარი

მეგის ქარდავა მიიჩნევს, რომ ის არის პოლიტიკურად დევნილი პირი, ეს არის საფუძველი რომ მან თავშესაფარი მოითხოვოს - ადვოკატი

უკრაინა-პოლონეთის საზღვარზე დაკავებული მეგის ქარდავას ადვოკატის, მალხაზ ველიჯანაშვილის თქმით, მეგის ქარდავა მიიჩნევს, რომ იგი პოლიტიკურად დევნილი პირია.

როგორც ველიჯანაშვილმა მედიას განუცხადა, გამომდინარე აქედან, ეს არის საფუძველი იმისა, რომ მან უკრაინაში თავშესაფარი მოითხოვოს.

„მეგის ქარდავა დღესაც მიიჩნევს, და ეს იყო ყველა საქმეში, რომ ის არის ჩვენი ქვეყნის მიერ პოლიტიკურად დევნილი პირი. ყველა საქმეში იდევნება რუსეთის მიერ დაკვეთით და რუსეთთან თანამშრომლობით. შესაბამისად, არის საფუძველი იმისა,რომ მან უკრაინაში თავშესაფარი მოითხოვოს, სწორედ იმის გამო, რომ ჩევნი ქვეყნის მიერ არის პოლიტიკურად დევნილი პირი. ამის შემდეგ კი ადგილობრივმმა სამსახურებმა უნდა იმსჯელონ მიიღებს თუ არა ამ სტატუსს. და ეს იქნება ერთ-ერთი საფუძველი იმისა, რომ მას უარი ეთქვას ექსტრადიციის განხორციელებაში“,-აღნიშნა ადვოკატმა.

მონიკა დავლიანიძე