კომენტარი

მე ვიღებ მიხეილ სააკაშვილის ბოდიშს - ლევან ბერძენიშვილი

მე ვიღებ მიხეილ სააკაშვილის ბოდიშს, - ასე პასუხობს „რესპუბლიკური“ პარტიის ერთ-ერთი ლიდერი ლევან ბერძენიშვილი ჟურნალისტის კითხვას 2007 წელს მისი მისამართით გაკეთებულ „ნაციონალური მოძრაობის“ ბრალდებებთან დაკავშირებით.

საუბარია „ნაციონალური მოძრაობის“ განცხადებაზე, სადაც ლევან ბერძენიშვილს მმართველმა პოლიტიკურმა ძალამ ბრალი რუსულ სპეცსამსახურებთან ურთიერთობაში დასდო და სატელეფონო ჩანაწერი გაასაჯაროვა.

ლევან ბერძენიშვილის განცხადებით, ის ამ საკითხზე უკვე ესაუბრა გაერთიანებული ოპოზიციის საპრეზიდენტო კანდიდატს, პირადად მოისმინა მიხეილ სააკაშვილის ბოდიში და მიიღო მობოდიშება.

„მე შემიძლია გითხრათ, რომ თავის დროზე გამოქვეყნდა ჩემი საუბარი რუსეთის საელჩოსთან, რომელიც არანაირი ფარული არ იყო, იყო ღია საუბარი გამოვდივართ თუ არა „ესენგედან“.

ბრალი დამდეს, დიახ. მე ამიტომ მივმართე ბატონ გრიგოლ ვაშაძეს ფეისბუქით, გავერკვიეთ ამ საკითხში, რაც დამთავრდა იმით, რომ მიხეილ სააკაშვილი პირადად მოვიდა ჩემთან და მითხრა, რომ არ მიაჩნია ეს საკითხი სწორად. მე ვფიქრობ არ არის იოლი საქართველოს პრეზიდენტი, ყოფილია თუ ახლანდელი, მივიდეს სპეციალურად კაცთან და მოუხადოს ბოდიში და მე ამას ვთვლი, რომ სერიოზული ნაბიჯი იყო მისგან “, - ამბობს ბერძენიშვილი.