კომენტარი

მე როგორც ვიცი, 5 წლის წინანდელ ჩანაწერზეა საუბარი - თამარ ჩუგოშვილი ,,ომეგა ჯგუფთან“ დაკავშირებულ აუდიოჩანაწერებზე (ვიდეო)

უმრავლესობის წევრი და ვიცე-სპიკერი თამარ ჩუგოშვილი აცხადებს, რომ ტელეკომპანია "იბერიას" საქმესთან დაკავშირებული აუდიოჩანაწერები, რომლებიც ბოლო დღეების განმავლობაში ვრცელდება და რომლებშიც ბიძინა ივანიშვილის დეიდაშვილი უჩა მამაცაშვილი და სპორტის ყოფილი მინისტრი ლევან ყიფიანი ფიგურირებენ, 5 წლის წინანდელია.

რაც შეეხება ჟურნალისტის შეკითხვას, თუ საიდან იცის თამარ ჩუგოშვილმა, როდის შედგა სპორტის ყოფილ მინისტრსა და „ომეგა ჯგუფის” დამფუძნებელ ზაზა ოქუაშვილს შორის სატელეფონო საუბარი, სადაც უჩა მამაცაშვილის ხელისუფლებასთან გარიგებაზეა საუბარი, ჩუგოშვილი ამბობს, რომ მას ასეთი ინფორმაცია მიაწოდეს.

"მე როგორც ვიცი, 5 წლის წინანდელ ჩანაწერზეა საუბარი და ძაან გამიჭირდება ეხლა ვისაუბრო... მე ეს ინფორმაცია მაქვს, შეიძლება ვცდები, მაგრამ მე მითხრეს, რომ ეს წლების წინანდელ საუბარზეა ლაპარაკი. საგამოძიებო ორგანოები თუ ჩათვლიან რომ რაიმე დანაშაულის ნიშნებია, დარწმუნებული ვარ, ამას მიაქცევენ ყურადღებას, " - განუცხადა ჩუგოშვილმა ჟურნალისტებს.

ცნობისთვის, გუშინ კიდევ ერთი ჩანაწერი გავრცელდა, სადაც ერთმანეთს სპორტის ყოფილი მინისტრი და „ომეგა ჯგუფის” დამფუძნებელი ზაზა ოქუაშვილი ესაუბრებიან.

ჩანაწერში ლევან ყიფიანი ადასტურებს, რომ "ომეგა ჯგუფის" პრობლემებს სწორედ მამაცაშვილი აგვარებდა, სანაცვლოდ კი ორ მილიონს ითხოვდა.