კომენტარი

მე მინდა მივმართო შესაბამის უწყებების წარმომადგენლებს, დაინტერესდნენ ბატონი კუპრავას საქმიანობით - სოფო კილაძე

ადამიანის უფლებათა დაცვის საპარლამენტო კომიტეტის თავმჯდომარემ სოფო კილაძემ სამართადამცავ ორგანოებს მიმართა, დაინტერესდნენ ზვიად კუპრავას საქმიანობით. ამის შესახებ მან ტვ პირველის გადაცემა „პოლიტმეტრში“ განაცხადა.

„კუპრავამ დამადანაშაულა იმაში, რომ მე ვარ სუს-თან შეკრული, რომ მე მაქვს რაღაც ინფორმაცია სუს-ისგან. დღეს მან გაავრცელა ინფორმაცია იმის შესახებ, რომ აპირებს პროკურატურაში მივიდეს და მოითხოვოს გამოძიება, თუ საიდან მაქვს მე ინფორმაცია იმის შესახებ, რომ ის იყო საზღვარგარეთ და გია უდესიანის შვილმა მას გადასცა ჩანთა. ეს ინფორმაცია არის აბსოლუტურად ხელმისაწვომი, დაახლოებით ივნისის დასაწყისში გავრცელდა ვიდეოკადრები, ყველაფერი რაზეც კითხვები დავუსვი კუპრავას იყო ამობეჭდილი ამ ვიდეოკადრებზე და მთელი სააგენტოები გადაჭრელებული იყო.

როცა კუპრავას დავუსვი კითხვა, მე არსად მიხსენებია ჩემს კითხვებში სიტყვა ფული ან უდესიანმა რომ გადასცა ფული. თუმცა, ის ჩადგა თავის მართლების რეჟიმში და თქვა, რომ მას ფული არ აუღია უდესიანის ვაჟისგან.

მე მინდა მივმართო შესაბამის უწყებების წარმომადგენლებს, დაინტერესდნენ ბატონი კუპრავას საქმიანობით, რატომ ჩადგა ის თავის მართლების რეჟიმში და ფული რა შუაშია იყო, ნამდვილად გადასცა თუ არა გია უდესიანის შვილმა კუპრავას ეს თანხა, რაზეც ის ამბობს, არ ამიღიაო. გაურკვეველია, რატომ უნდა ამტკიცოს ამ ადამიანმა ასეთი რაღაცა? ასევე, დაინტერესდეს კუპრავას საქმინობით, ზოგადად სახელმწიფო სტრუქტურის წარმომადგენლები.

მახსოვს, სოციალურ ქსელში გავრცელდა ვიდეო, სადაც სავარაუდოდ კუპრავა ფიგურირებს 26 მაისის დარბევების თემაში. ბუნებრივია მნიშვნელოვანია ყველა კითხვას მასთან დაკავშირებით გაეცეს პასუხი. ძალიან კარი იქნება, თუ ის თავის ფეხით მიმართავს პროკურატურას და მოთხოვს გამოარკვიოს ეს საქმე”, – განაცხადა დეპუტატმა.

ზვიად კუპრავას დღეს თბილისის პროკურატურაში განცხადება შეაქვს და საგამოძიებო უწყებისგან მოითხოვს დაადგინოს, საიდან აქვს სოფო კილაძეს ინფორმაცია იმის შესახებ, რომ ვილნიუსში იმყოფებოდა.