კომენტარი
მე მაინც ვრჩები იმ აზრზე, რომ მაღალი სასულიერო იერარქიის მქონე პირის წინააღმდეგ მზადდებოდა ეს - ირაკლი მამალაძე
ე.წ. ციანიდის საქმეზე მთავარი მოწმე, ირაკლი მამალაძე პროკურატურის მიერ გამოქვეყნებულ გამოძიების შუალედურ შედეგებს გამოეხმაურა.
მისი თქმით, ამ მასალების გარდა, ბუნებრივია სხვა უამრავი ფაქტიც არსებობს. ამასთან, ირაკლი მამალაძე რჩება პირვანდელ პოზიციაზე, რომლის მიხედვითაც, დეკანოზი გიორგი მამალაძე მაღალი სასულიერო იერარქიის პირის მოწამვლას ცდილობდა.
"მე მაინც ვრჩები იმ აზრზე, რომ მაღალი სასულიერო იერარქიის მქონე პირის წინააღმდეგ მზადდებოდა ეს. რაც გამოკვეთა გამოძიებამ, ეს გასაგებია. მე გამოძიების დაწყებაში მაქვს ასე მითითებული. სხვა მიმართულებითაც მიდის გამოძიება. მე არ ვფიქრობ და არ ვჩერდები მხოლოდ შორენა თეთრუაშვილზე", - აცხადებს საზოგადოებრივ მაუწყებელთან საუბრისას ირაკლი მამალაძე.
მისი თქმით, დეკანოზი გიორგი მამალაძე ნაცვალსახელით "ჩვენ" საკუთარ თანამზრახველებს მოიხსენიებს.
როგორც ირაკლი მამალაძე ამბობს, მან ზუსტად იცის ვინ იგულისხმა ბრალდებულმა ამ ნაცვალსახელით.
"რა თქმა უნდა, მამა გიორგის საუბარში ფიქსირდება გადაცემაც ამ ნივთიერების, სხვა ძალიან ბევრი რამ. ეს უნდა გამოავლინოს გამოძიებამ. მე პირადად შემიძლია გითხრათ მხოლოდ ის რომ ნაცვალსახელი, რომლითაც ის მესაუბრებოდა (ჩვენ), მე ძალიან კარგად ვიცოდი, ვისზეც მესაუბრებოდა, ამ ეტაპზე სხვა ვერაფერს ვერ გეტყვით", - აცხადებს ირაკლი მამალაძე.
საქმის მთავარი მოწმის თქმით, ეს ამბავი თუნდაც მხოლოდ იმიტომ ღირდა, რომ ერთი ადამიანის სიცოცხლე გადარჩენილიყო.
"ეს იყო შუალედური ანგარიში, დანარჩენი გაირკვევა, თანამზრახველები და ასე შემდეგ. გამოძიებაში რა თქმა უნდა არსებობს სხვა უამრავი მტკიცებულებები. დანარჩენს რას გამოაქვეყნებენ, მე არ ვიცი. მთავარია, ეს შუალედური გამოქვეყნდა. საზოგადოების გარკვეული ინტერესი დაკმაყოფილდა და აქედან გამომდინარე, მე პირადად, ძალიან კარგად ვიცოდი, რა და როგორ იყო. მაგრამ საზოგადოება იმედია დარწმუნდა. ნუ, შეკითხვებიც გაჩნდება, მე ამაში ეჭვი არ მეპარება. დანაშაულის აღკვეთის შედეგად შეიძლება დაზარალდა საპატრიარქოც, იგივე სახელმწიფოც, პირადად მეც, უამრავი თავდასხმის მოგერიება მიწევდა, მლანძღავდნენ 24 საათიან რეჟიმში, მაგრამ პირდაპირ გეუბნებით, ამისთვის ღირდა ნამდვილად ის, რომ თუნდაც ერთი ადამიანის სიცოცხლე გადარჩენილიყო", - განაცხადა ირაკლი მამალაძემ.
საკვანძო სიტყვები:
ჩემი თხოვნა პატრიარქთან შეხვედრის შესახებ უპასუხოდ დატოვა საპატრიარქომ, მიუხედავად იმისა, რომ იმ დროს მოქმედი პრეზიდენტი ვიყავი - სალომე ზურაბიშვილი
17 მარტი, 2026 , 17:31
მინდა პატრიარქს ჯანმრთელობა ვუსურვო, სახელმწიფო ყველაფერს გააკეთებს იმისათვის, რომ გაგრძელდეს მაქსიმალური ზრუნვა პატრიარქის ჯანმრთელობაზე - ირაკლი კობახიძე
17 მარტი, 2026 , 15:27
უწმინდესისა და უნეტარესის მდგომარეობა რთულია, იმედი უნდა ვიქონიოთ, რომ ყველაფერი კარგად იქნება და პატრიარქი გამოჯანმრთელდება - მიხეილ ყაველაშვილი
17 მარტი, 2026 , 12:56
საქართველოს კათოლიკოს-პატრიარქის ჰემადინამიკური მაჩვენებლები არასტაბილურია - კავკასიის მედიცინის ცენტრის ხელმძღვანელი
17 მარტი, 2026 , 11:24
ვითარება კვლავ რჩება ძალიან რთული, მეტად საყურადღებო, ყველაფერი კეთდება, რომ რაც შეიძლება სწრაფად აღდგეს პატრიარქის ჯანმრთელობისთვის აუცილებელი ყველა მნიშვნელოვანი პარამეტრი - მიხეილ სარჯველაძე
17 მარტი, 2026 , 10:50
თინა ხიდაშელმა გააკეთა განცხადება და ერთ დღეში სცადა მისი უარყოფა,ერთ დღეში როცა გიწევს საკუთარი ტყუილის უარყოფა, აქედან ჩანს,რომ შენ მიზანმიმართულად აზიანებ საქართველოს ეროვნულ ინტერესებს - ირაკლი კობახიძე
9 მარტი, 2026 , 15:42
