კომენტარი

მე გულწრფელად ვუთხარი მიხეილ სააკაშვილს - გიგი უგულავა

ნაციონალური მოძრაობის ყოფილი წევრის, გიგი უგულავას განცხადებით, იგი მიხეილ სააკაშვილის არასდროს წამოაძახებს იმას, რომ მან ქვეყანა დატოვა, მაშინ როდესაც გიგი უგულავა საპატიმროში აღმოჩნდა.

ამის შესახებ უგულავამ „ტვ პირველის“ ეთერში განაცხადა.

„მე მიშასთვის არაფერი არ წამომიძახებია და არც წამოვაძახებ მიშას: რატომ წახვედი. არ არის ეს ასე. ჩვენ ყველამ ჩვენი არჩევანი გავაკეთეთ. არც ის იქნებოდა სწორი, რომ ყველანი წასულიყვნენ, იმიტომ რომ ამით ჩვენი ბრძოლის მთელი იდეა კვდებოდა, მაგრამ არც ის იქნებოდა სწორი, რომ ყველა დარჩენილიყო, იმიტომ რომ ვხედავდით, რომ ივანიშვილი არაფერზე არ გაჩერდებოდა და პირდაპირ გეტყვით, მე ნამდვილად არ ვთვლი, რომ მიხეილ სააკაშვილი ციხეში უნდა წასულიყო. ნამდვილად არა, იმიტომ რომ მიშასთან ასოცირებული იყო იდეა ვარდების რევოლუციის, ასე შემდეგ და ასე შემდეგ. ამიტომ მე მას ამ პრეტენზიას არასდროს არ წავუყენებ. მე გულწრფელად ვუთხარი, არასდროს წამოგაძახებ მაგას, მაგრამ მე ჩემი ხედვა მაქვს, და მე არსად არ წავალ“,-აღნიშნა უგულავამ.

მონიკა დავლიანიძე