კომენტარი

მე დავბრუნდები ჩემს ბიზნესში - ტარიელ ხეჩიკაშვილი

სპორტისა და ახალგაზრდობის საქმეთა ყოფილი მინისტრი ტარიელ ხეჩიკაშვილი ბიზნესს უბრუნდება.

როგორც ყოფილმა მინისტრმა აღნიშნა, სწორედ ბიზნესიდან დაეხმარება იგი სპორტს და ქვეყანას, რომ „ქვეყნის აღმშენებლობას სარგებელი მოვუტანო“.

„ვრჩები სპორტის სამსახურში. სპორტს და ქვეყანას ბიზნესიდანაც ვემსახურებოდი და მოვემსახურები შემდგომში. ჩემთვის სპორტის და ქვეყნის სიყვარული არის უპირველესი. ამ გამოცდილებიდან გამომდინარე კიდევ უფრო მეტს გავუკუთებ ქართულ სპორტს და ვეცდები მთალიანდ ქვეყნის აღმშენებლობას მოვუტანო სარგებელი.

მიხეილ გიორგაძესთან ვართ კოლეგები, მეგობრებიც და მაქსიმალურად ხელს შევუყობთ, რომ ის რეფორმები რაც ჩვენ დავიწყეთ გაგრძელდეს და კიდევ უფრო წარმატებული იყოს ქართული სპორტი. მე დავბრუნდები ჩემს ბიზნესში“,-აღნიშნა ხეჩიკაშვილმა.

პრემიერ-მინისტრის მიერ დაანონსებული სამთავრობო და სტრუქტურული ცვლილებების თანახმად, სპორტის სამინისტრო უქმდება, თუმცა, ახალგაზრდობის საქმეთა ნაწილს განათლების სამინისტრო შეითავსებს, სპორტის მიმართულებას კი, კულტურის სამინისტრო მიხედავს.

მონიკა დავლიანიძე