მსოფლიო

მე `ჩუბა–კაბრა` -სავით ვარ. ჩემზე საუბრობენ, მაგრამ მე არ ვჩანვარ - მიხეილ სააკაშვილი

საქართველოს ყოფილი პრეზიდენტის, ოდესის ოლქის ყოფილი გუბერნატორის და ამჟამად უკრაინის ტელერახ ZIK–ის გადაცემის წამყვანის, მიხეილ სააკაშვილის განცხადებით, უკრაინელმა მილიარდერმა რინატ ახმეტოვმა მრავალსერიანი ფილმი "ჰეროკრატია" იყიდა, რომელსაც უახლოეს პერიოდში უკრაინის ტელეარხებზე აჩვენებენ.

ამის შესახებ სააკაშვილმა პირველ გადაცემაში განაცხადა, სადაც მოწვეულ სტუმრებთან ერთად უკრაინაში მიმდინარე პროცესებზე და იმაზე ისაუბრა, თუ როგორ ებრძვიან მას უკრაინაში გავლენიანი ადამიანები.

"მე ტელევიზიებში არ მიწვევენ, მაგრამ ჩემზე საუბრობენ, "ჩუბა–კაბრა" ქვია მგონი ის ცნობილ ცხოველს, რომელიც არ ჩანს, მე "ჩუბა–კაბრა" -სავით ვარ. ჩემზე საუბრობენ, მაგრამ მე არ ვჩანვარ. ახმეტოვის დავალებით ყოველ 3-4 დღეში ჩემზე რაღაც ფილმის ახალ-ახალ სერიებს უშვებენ. მეტიც, ამათმა იყიდეს კოლეგა ივანიშვილთან საქართველოში, რომელმაც პატარა სახელმწიფო საქართველო იყიდა, 25-სერიანი ფილმი. ახმეტოვმა ეს ფილმი ოლიგარქ ივანიშვილისგან იყიდა და როგორც მე ვიცი, მომდევნო თვეებში დაიწყებენ ამ ფილმის ჩვენებას უკრაინის არხებზე",-განაცხადა სააკაშვილმა.

მონიკა დავლიანიძე