მსოფლიო

მე არ ვარ დაკავებული, მე ვარ სამხედრო ტყვე - მიხეილ სააკაშვილი ისევ შიმშილობას გეგმავს

ამ წუთებში კიევის პეჩერსკის რაიონულ სასამართლოში საქართველოს ყოფილი პრეზიდენტისა და ოდესის ექს-გუბერნატორის მიხეილ სააკაშვილისთვის აღკვეთის ღონისძიების შეფარდების შესახებ მსჯელობენ.

პროცესის დაწყებამდე სააკაშვილს მისცეს საშუალება, მედიისთვის კომენტარი გაეკეთებინა.

„ახალი ძალების მოძრაობის“ ლიდერმა საკუთარი თავი სამხედრო ტყვედ გამოაცხადა.

„მათ ჩემი იზოლირება მოახდინეს, ჩემთან არ უშვებდნენ ადვოკატებს, არ მქონდა პრესა. თუ ციხეში დამაბრუნებენ, ვიშიმშილებ. და ყველას ეცოდინება, ვინ ჩაიდინა ეს დანაშაული. მათ შეუძლიათ, მომკლან, მაგრამ ისინი არასდროს არ მოკლავენ უკრაინელ ხალხს. საკანში ცხოვრება ნიშნავს, იყო ოლიგარქის პერსონალური ტყვე. მე ჩემს თავს ვთვლი უკრაინელი ოლიგარქის, ვლადიმერ პუტინის ტყვედ. მე ჩემს თავს ვთვლი არა დაკავებულად, არამედ სამხედრო ტყვედ. იმიტომ რომ ისინი აწარმოებენ ომს უკრაინელი ხალხის წინააღმდეგ“, - განაცხადა სააკაშვილმა.

ანა მებურიშვილი