მსოფლიო

მძიმე იარაღი ისევ ახლოსაა კონფლიქტის ხაზთან - იენს სტოლტენბერგი

ნატოს გენერლური მდივნის, იენს სტოლტენბერგის განცხადებით, უკრაინაში მიმდინარე კონფლიქტი ნატო-რუსეთის ურთიერთობებს ართულებს და საფრთხეს უქმნის ევროპის სტაბილურობასა და უსაფრთხოებას. ამის შესახებ მან ბრიუსელში, ნატო-რუსეთის საბჭოს სხდომის დასრულების შემდეგ თქვა.

„ეს კონფლიქტი ისევ ახდენს დიდ გავლენას ევროატლანტიკური რეგიონის უსაფრთხოებასა და სტაბილურობაზე და რჩება ნატო-რუსეთის მიმდინარე ურთიერთობების ძირითადი მიზეზი. მინსკის შეთანხმების საბოლოო განხორციელებისთვის უკრაინის აღმოსავლეთში უსაფრთხოებასთან დაკავშირებით სიტუაციის გამოსწორება პრიორიტეტულად რჩება. თუმცა სიტუაცია ისევ მყიფეა და ცეცხლის შეწყვეტის შეთანხმების დარღვევა გრძელდება. მძიმე იარაღი ისევ ახლოსაა კონფლიქტის ხაზთან“, - აღნიშნა სტოლტენბერგმა.

მისი ინფორმაციით, ეუთოს დამკვირვებლებს უჭირთ შეღწევა როგორც გამყოფ ხაზთან, ასევე რუსეთ-უკრაინის საზღვართან.

ანა მებურიშვილი