კომენტარი

მათ გადააბიჯეს იმ ზღვარს, რომლის მიღმაც ძალიან სერიოზული საფრთხეები იწყება - სოზარ სუბარი

ლტოლვითა და განსახლების მინისტრი, სოზარ სუბარი მარნეულის #48 საარჩევნო უბანში მიმდინარე განმეორებით არჩევნებს გამოეხმაურა და ის მიზეზი გაიხსენა, რის გამოც საჭირო გახდა აღნიშნულ უბანზე ხელახალი კენჭისყრის დანიშვნა.

,,მაშინ რაც გააკეთეს, ეს იყო არამხოლოდ უბნის დარღვევა და არამხოლოდ პოლიციელებზე თავდასხმა, არამედ მათ გადააბიჯეს იმ ზღვარს, რომლის მიღმაც ძალიან სერიოზული საფრთხეები იწყება.

იმამყულიევმა პირადად გადააბიჯა იმ ზღვარს, რასაც ეყრდნობა ქართული სახელმწიფო. ეს არის ის ტოლერანტობის, სიმშვიდის, სიწყნარისა და სხვადასხვა ეთნიკური თუ რელიგიური ჯგუფების თანაცხოვრების ტრადიცია, რომელსაც ემყარება ქართული სახელმწიფო’’, - განუცხადა ჟურნალისტებს სოზარ სუბარმა.

ცნობისათვის, მარნეულში მაჟორიტარობისთვის ერთმანეთს ,,ქართული ოცნების’’ კანდიდატი თამაზ ნავერიანი და ,,ნაციონალური მოძრაობის’’ კანდიდატი აჰმამედ იმამყულიევი უპირისპირდებიან.

ნინო ექვთიმიშვილი