კომენტარი

მას შემდეგ დაიწყეს სარეაბილიტაციო სამუშაოები, რაც დავადასტურე, რომ გუდიაშვილის მოედანზე პრეზენტაციას გავმართავ - ალეკო ელისაშვილი

თბილისის მერობის დამოუკიდებელი კანდიდატის, ალეკო ელისაშვილის განცხადებით, გუდიაშვილის მოედანზე მერიის მიერ დაწყებული სარეაბილიტაციო სამუშაოების მიუხედავად, ის იქ პრეზენტაციას მაინც გამართავს.

„სამი წელია, არავინ მოსულა და წინა ხუთშაბათს, მას შემდეგ, რაც დავადასტურეთ, ვთქვი, რომ სამშაბათს, 11 ივლისს, ვაპირებდი და ვაპირებ აქ საკუთარი თავის წარდგენას, მეორე დღეს, პარასკევს, მოვიდნენ, მოვარდნენ. ნახეთ რამდენი ტექნიკაა, რამდენი მუშაა, სამ ცვლაში მუშაობენ, ღამეც არ ჩერდებიან, აგებენ გზას, გადადიან ყირაზე. თუ შესაძლებელი იყო, ამდენ ხანს მოსულიყვნენ. უკვე ხალხი მეხუმრება, მწერენ ფეისბუკში, აბა, ჩვენთანაც გამოაცხადე იქ, სადღაც ისანში, სამგორში, ავჭალაში, სადაც უყურადღებოდაა მიგდებული. ლამის, ასეთი სტრატეგია მოვიფიქრო, რომ გუდიაშვილზე აღარ ვაკეთებ და იქ გამოვაცხადო. ეს არის ძალიან არასერიოზული, ესაა სინამდვილეში „ქართული ოცნების“ სახე“, - განუცხადა „რუსთავი 2“-ს ალეკო ელისაშვილმა.

თბილისის მერობის დამოუკიდებელი დეპუტატის წარდგენის პრეზენტაცია გუდიაშვილის მოედანზე ხვალ, 21 საათზე გაიმართება.