კომენტარი

მას „ქართული ოცნების“ ხელისუფლების პირობებში მიეცა საქმის ახლიდან დაწყების შესაძლებლობა - გია ვოლსკი ,,ომეგა ჯგუფზე“

„ქართული ოცნების“ ხელისუფლების წინააღმდეგ იმ კომპანიის ხელმძღვანელი გამოდის, რომელიც მიწაზე ახოხიალა „ნაციონალურმა მოძრაობამ“, - განუცხადა ჟურნალისტებს პარლამენტის ვიცე-სპიკერმა გია ვოლსკიმ „ომეგა ჯგუფის“ გარშემო მიმდინარე პროცესებთან დაკავშირებით.

„ერთ-ერთი მთავარი, რაც „ქართულ ოცნებას“ ახასიათებს არის ის, რომ ბიზნესი გათავისუფლდა ზეწოლისაგან. ხელისუფლებას იმ კომპანიის ხელისუფლება დაუპირისპირდა, რომელიც მიწაზე ახოხიალა „ნაციონალურმა მოძრაობამ“. მას „ქართული ოცნების“ ხელისუფლების პირობებში მიეცა საქმის ახლიდან დაწყების შესაძლებლობა, ისევე როგორც ბევრ სხვა ბიზნესს. ახლა ეს ორგანიზაცია უარს აცხადებს ბიუჯეტში თანხების გადახდაზე და უკვე შანტაჟზეც გადავიდა, რაღაც გაუგებარი და აბდაუბდა ჩანაწერებით“, - განაცხადა გია ვოლსკიმ.