კომენტარი

მარიამ მეყანწიშვილს ჯგუფური ძალადობის ორგანიზებას ედავებიან - ადვოკატი

დაკავებული აქტივისტები ბრალის წარდგენას ზაჰესის და დიღმის იზოლატორებში ელოდებიან - მათთან ამ წუთებში მათივე ადვოკატები იმყოფებიან.

მარიამ მეყანწიშვილის უფლებადამცველი ამბობს, რომ მისი დაცვის ქვეშ მყოფის საცხოვრებელი სახლიდან ამოღებულია ქურთუკი, რომელიც მას 4 ოქტომბერს ეცვა.

მისივე თქმით, მეყანწიშვილს ჯგუფური ძალადობის ორგანიზებას ედავებიან.

„დაიწყეს ჩხრეკით, ამოიღეს მისი კუთვნილი ქურთუკი, რომელიც თავად, თავისი ნებით წარადგინა, ეს ქურთკი მას 4 ოქტომბერს ეცვა. მარიამს დაკავების დროს განუმარტეს, რომ ეს იყო 226-ე მუხლი, რაც ჯგუფური ძალადობის ორგანიზებას, ეს არის სრულიად სხვა მუხლი, რომელიც განსხვავდება სხვა დაკავებული პირებისთვის წაყენებული ბრალდებისგან. მარიამი საერთოდ არ იმყოფებოდა 4 ოქტომბერს პრეზიდენტის სასახლესთან, რაიმე კუთხით მონაწილოება არ მიუღია, იყო საპროტესტო აქციაზე. მიუტანეს დაზუმებული ქურთუკის ფოტო და ჰკითხეს, ჰქონდა თუ არა ეს სახლში, ბუნებრივია მან ამოიცნო,“ - ამბობს ადვოკატი.

ცნობისთვის, სამართალდამცავებმა 4 ოქტომბერს განვითარებულ მოვლენებთან დაკავშირებით, რამდენიმე აქტივისტი დააკავეს.

დაკავებულებს შორის არიან, მარიამ მეყანწიშვილი, დავით გიუნაშვილი, სიმონ მახარაძე, დავით ღურწკაია, გიორგი ტალახაძე, გია თოლორაია, მიხეილ თოლორაია და თემურ ქურციკიძე.