კომენტარი

მაქვს შეშფოთების განცდა იმიზე, რომ არ მოხდეს მორიგჯერზე კონსტიტუციის კონიუკტურული თვითმორგება - დავით უსუფაშვილი

საქართველოს პარლამენტის ყოფილი თავმჯდომარის დავით უსუფაშვილის განცხადებით, საკონსტიტუციო ცვლილებებთან დაკავშირებით საჭიროა კონსულტაციების გზით სიარული.

უსუფაშვილმა მის მიერვე ორიოდე კვირის წინ გაკეთებული განცხადება განმარტა, რომელიც ზაფხულში პრეზიდენტის ნებაყოფლობით გადადგომას შეეხებოდა.

„რატომ ჰგონია ვინმეს, რომ პრეზიდენტ მარგველაშვილს თვითონ ან კონსტიტუციის კითხვა არ შეუძლია, ან ანალიზი არ შეუძლია და ასე შემდეგ. მე, თქვენ კოლეგას, რომელმაც დამისვა კითხვა, რომ რა საშუალება აქვს პრეზიდენტს რომ შეეწინააღმდეგოს ამ პროცესს, როდესაც საკონსტიტუციო უმრავლესობა „ოცნების“ ხელშია? ვუპასუხე, რომ აქ მხოლოდ ხელის აწევაში არ არის საქმე. იმიტომ, რომ სხვა მოთამაშეებს შეიძლება აღმოაჩნდეთ ხელში სხვა ბერკეტები, სამართლებრივ- პოლიტიკური და იმ ბერკეტების ამოქმედების შემთხვევაში შეიძლება მივიღოთ ასეთი რეალობა. ყველას, ვინც თვლის, რომ ამ საკითხში უმრავლესობა გვაქვს და რასაც მინდა იმას გავაკეთებ, მე ვეუბნები რომ, უკაცრავად, მოითმინეთ, იქნებ ჯობდეს ამ თემაზე სხვასთანაც, ამ შემთხვევაში პრეზიდენტთანაც კონსულტაციის გზით ვიაროთ“,-აღნიშნა უსუფაშვილმა.

საკონსტიტუციო კომისიაზე საუბრისას, პარლმენტის ყოფილი თავმჯდომარე აღნიშნავს, რომ იგი გამოცდილი და მშრომელი ადამიანის ხელშია, თუმცა რაც შეეხება პოლიტიკურ ნაწილს, ამაზე მას წინასწარ საუბარი არ სურს, თუმცა შეშფოთების განცდა აქვს.

„მთავარი არის რა,რომ კონსიტიტუციას ხელმძღვანელობს გამოცდილი და მშრომელი კონსტიტუციონალისტი, ირაკლი კობახიძე. ამიტომ, ამ თვალსაზრისით კომისია საიმედო ხელშია. რაც შეეხება პოლიტიკურ ნაწილს გადაწყვეტილებების, რაზე ჩამოყალიბდება საკონსტიტუციო უმრავლესობა პარლამენტში, რა მიმართულებით გაიხედავს - ამაზე წინასწარ საუბარი არ მინდა. მაქვს გარკვეული შეშფოთების განცდა, შეიძლება ვცდები, ვნახოთ. შეშფოთების განცდა იმაზე, რომ არ მოხდეს მორიგჯერზე კონსტიტუციის კონიუკტურული თვითმორგება“,- დავით უსუფაშვილი.

მონიკა დავლიანიძე