მსოფლიო

მაკრონი სუსტია, მან არ იცის როგორ მოაგვაროს ტერორიზმის პრობლემა - მერინ ლე პენი

საფრანგეთის პრეზიდენტობის კანდიდატის, „ეროვნული ფრონტის“ ლიდერის მარინ ლე პენის შეფასებით, მის მთავარ კონკურენტს, ემანუელ მაკრონს ტერორიზმის პრობლემის მოგვარება არ შეუძლია.

Reuters-ის ინფორმაციით, ამის შესახებ ლე პენმა პა-დე-კალეს დეპარტამენტში დღეს განაცხადა, სადაც ერთ-ერთ აგრარულ ბაზარში მივიდა.

„ყველაზე მსუბუქი რისი თქმაც შემიძლია მაკრონზე, არის ის რომ, ის არის სუსტი. მან არ იცის, როგორ მოაგვაროს ტერორიზმის პრობლემა“,-განაცხადა ლე პენმა.

მისი თქმით, საპრეზიდენტო არჩევნების მეორე ტურამდე, საზოგადოების ყურადღებას სწორედ ტერორიზმის და სხვა აქტუალურ პრობლემებზე გაამახვილებს.

საფრანგეთში გუშინ გამართული საპრეზიდენტო არჩევნების პირველი ტურის შედეგად, მეორე ტურში ემანუელ მაკრონი 23,75%-ით და მარინ ლე პენი 21,53%-ით გავიდნენ.

საფრანგეთში საპრეზიდენტო არჩევნების მეორე ტური 7 მაისს გაიმართება.

მონიკა დავლიანიძე