მსოფლიო

ლირის ვარდნასთან საბრძოლველად თურქეთის ცენტრალური ბანკი „ყველა საჭირო ზომის“ მიღებას აპირებს

თურქეთის ცენტრალური ბანკის განცხადებით, ის მზადაა, „ყველა საჭირო ზომას“ მიმართოს ლირის კურსის სტაბილურობის უზრუნველსაყოფად.

ცენტრალური ბანკი დაპირდა, რომ ბანკებს „ყველა საჭირო ლიკვიდურობით“ უზრუნველყოფს.

აღნიშნული კომენტარი მოჰყვა აშშ-სთან დიპლომატიური უთანხმოების გაღრმავებას, რამაც გამოიწვია რყევა თურქულ ბაზარზე.

ცენტრალური ბანკის განცხადების შემდეგ ლირის კურსი ცოტათი გამყარდა. მიუხედავად ამისა, ლირა დოლართან მიმართებით მაქსიმალურად გაუფასურებულია.

თურქეთის ეროვნული ვალუტის კურსის ვარდნა მას შემდეგ დაიწყო, რაც აშშ-ის პრეზიდენტმა, დონალდ ტრამპმა თურქულ ფოლადსა და ალუმინზე ტარიფების დაწესების შესახებ განაცხადა.