კომენტარი

ლევან ხაბეიშვილი ანტიკორუფციულ სააგენტოში დაიბარეს

„ნაციონალური მოძრაობის“ წევრი ლევან ხაბეიშვილი ანტიკორუფციულ სააგენტოში დაიბარეს.

როგორც ხაბეიშვილმა ჟურნალისტებს განუცხადა, უწყებას ხაბეიშვილისგან დამატებითი ინფორმაციის მიიღება სურს, მის მიერვე გაკეთებულ განცხადებასთან დაკავშირებით.

საუბარია, ხაბეიშვილის მიერ თბილისის საკრებულოს მაჟორიტარების ბიუროებში გამოვლენილ დარღვევებზე.

გარდა ამისა, როგორც ხაბეიშვილმა აღნიშნა, ის ანტიკორუფციულ სააგენტოს ბაღების სააგენტოში არსებულ, სავარაუდო, კორუფციაზეც მიაწვდის ინფორმაციას.

„თბილისის საკრებულოში მაჟორიტარი დეპუტატების ბიუროებში არსებულ სავარაუდო კორუფციაზე, რაზეც ჩვენ განცხადება გავაკეთეთ კონკრეტულ დოკუმენტაციაზე დაყრდნობით, ანტიკორუფციულმა ბიურომ მიიჩნია, რომ ეს დოკუმენტაცია საკმარისია, რომ გამოძიება დაიწყოს.

გამოძიება დაწყებულია, დამატებითი ინფორმაციის მიწოდების მიზნით დაბარებული ვარ ანტიკორუფციულ ბიუროში. ასევე ანტიკორუფციულ ბიუროს დამატებით მივაწვდით ინფორმაციას ბაღების სააგენტოში არსებულ სავარაუდო კორუფციაზე და დანაშაულის ხელის დაფარვაზე, რაზეც ორი დღის წინ განცახდებაც გავაკეთეთ და ფარული ჩანაწერიც გავავრცელეთ. შესაბამისად, ველოდებით კონკრეტულ ქმედებით ნაბიჯებს, დროა, რომ ეს საქმეები იყოს გამოძიებული და ანტიკორუფციულ ბიუროს შესაბამისი რეაგირება ჰქონდეს. თუ ამას ისინი დღეს არ გააკეთებენ, მოვა ხელისუფლება, რომელიც ბიუჯეტის ფაროსანებს პასუხს ნამდვილად გასცემს“,- განაცხადა ლევან ხაბეიშვილმა.

მონიკა დავლიანიძე