მსოფლიო

ლავროვმა და რუბიომ ტელეფონით უკრაინაზე ილაპარაკეს

27 აპრილს გაიმართა სატელეფონო საუბარი რუსეთის საგარეო საქმეთა მინისტრ სერგეი ლავროვსა და აშშ-ის სახელმწიფო მდივან მარკო რუბიოს შორის.

ინფორმაციას რუსეთის საგარეო საქმეთა სამინისტრო ავრცელებს.

„გაგრძელდა აქტიური და ნაყოფიერი დიალოგი რუსეთსა და აშშ-ს შორის, რომელიც ბოლო დროს კიდევ უფრო გააქტიურდა. საუბრის მთავარი თემა უკრაინაში მიმდინარე კრიზისი იყო.

კერძოდ, 25 აპრილს რუსეთის პრეზიდენტ ვლადიმერ პუტინსა და აშშ-ის პრეზიდენტის სპეციალურ წარმომადგენელ სემ უიტკოფს შორის გამართული შეხვედრის გაგრძელების ფარგლებში, ლავროვმა და რუბიომ ხაზი გაუსვეს იმ შესაძლებლობების მნიშვნელობას, რომლებიც შეიძლება საფუძვლად დაედოს მოლაპარაკებების დაწყებას — გრძელვადიანი მშვიდობის მისაღწევად.

საუბარი შეეხო სხვა საერთაშორისო საკითხებსაც.

მხარეები შეთანხმდნენ, რომ მომავალშიც შეინარჩუნებენ კონტაქტს და დიალოგს სხვადასხვა დონეზე,“ - ნათქვამია ინფორმაციაში.