მსოფლიო

ლატვიაში საშუალო განათლების მიღება მხოლოდ ლატვიურ ენაზე იქნება შესაძლებელი

ლატვიაში საშუალო განათლების მიღება მხოლოდ ლატვიურ ენაზე იქნება შესაძლებელი. ლატვიის პრეზიდენტმა რაიმონდ ვეიონისმა ეროვნული უმცირესობის სკოლებში სწავლების ლატვიურ ენაზე გადასვლის კანონს ხელი მოაწერა.

მიმდინარე წლის 22 მარტს ლატვიის სეიმმა განათლების კანონში ცვლილების შეტანას დაუჭირა მხარი, რომელიც სკოლებში რუსულ ენაზე სწავლის შეწყვეტას ითვალისწინებს.

სასკოლო განათლების კანონპროქტის მიხედვით, ლატვიურ ენაზე სწავლებაზე გადასვლა 2019 წლიდან ეტაპობრივად მოხდება. პროცესი 2020-2021 წლებში უნდა დასრულდეს.

ცვლილებების თანახმად, რუსულ ენაზე შემდეგი საგნების სწავლება იქნება შესაძლებელი: „რუსული ენა“, „რუსული ლიტერატურა“, ასევე კულტურასა და ისტორიასთან დაკავშირებული საგნები.

ლატვიაში რუსულენოვანი მოსახლეობა მოქალაქეების 40%-ს შეადგენს, სახელმწიფო ენად კი მხოლოდ ლატვიურია მიღებული.

ცირა გურგენიძე