კომენტარი

ლაშა თორდიაზე ვიდეოს გავრცელება, ოთარ ფარცხალაძის „გათეთრებას“ ემსახურება - პავლე კუბლაშვილი

პარლამენტის ყოფილი წევრის, პავლე კუბლაშვილის განცხადებით, ლაშა თორდიასთან დაკავშირებით გავრცელებული ვიდეოს მიზანია, ყოფილი მთავარი პროკურორის, ოთარ ფარცხალაძის „გათეთრება“ მოხდეს.

დღეს, სოცალური ქსელით გავრცელებულ ვიდეოში, რომელზეც ლაშა თორდია ერთ-ერთ ბარში, სავარაუდოდ, იარაღით ხელში, თანამშრომლებს ემუქრება, პავლე კუბლაშვილიც ფიგურირებს.

როგორც მედიასთან საუბარში ყოფილმა პარლამენტარმა აღნიშნა, იგი მომხდარის შესახებ მხოლოდ გამოძიებასთან ისაუბრებს, თუკი მას მისგან რაიმე ინფორმაციის მიღება დასჭირდება.

„მე საჯაროდ ამ თემაზე არ ვისაუბრებ. თუ გამოძიებას სჭორდება რაიმე ინფორმაცია ჩემგან, მზად ვარ,რომ ნებისმიერ დროს ჩვენება მივცე. რაც შეეხება მიზეზს, თუ ვის უნდა ამ თემაზე დღეს ყურადღების გადატანა ცხადია, რადგან იმაზე რაც მოხდა 6 თვის წინ, იმაზე რაც იცოდნენ 6 თვის წინ და არ საუბრობდნენ, დღეს კი ერთადერთ მიზანს ემსახურება, როგორმე გაათეთრონ ბატონი ფარცხალაძე. მაგრამ ეს არის შეუძლებელი, ვერ გათეთრდება ბატონი ფარცხალაძე. ყველამ იცის, რას წარმოადგენს ის. ძალიან სამწუხაროა, რომ ასეთი მცდელობის გზით მიდიან. მე ვფიქრობ, რომ ეს დაასრულებს ფარცხალაძის, როგორც მოვლენის, არსებობას საქართველოში“,-აღნიშნა კუბლაშვილმა.

მონიკა დავლიანიძე