კომენტარი

ლაშა თორდიას დისკრედიტაცია არ მიმდინარეობს -ალექსანდრე ჯეჯელავა

ვიცე-პრემიერის, განათლების მინისტრის, ალექსანდრე ჯეჯელავას განცხადებით, მიზანმიმართული დისკრედიტაცია იქნებოდა მაშინ, როდესაც ლაშა თორდიას დააბრალდებდნენ, რომ იგი ვიღაცას იარაღით გაეკიდა. მაგრამ თუ თავად ლაშა თორდია მომხდრას ადასტურებს, ჯეჯელავას თქმით, მაშინ მიზანმიმართული დისკრედიტაციას ადგილი არ აქვს.

ამის შესახებ ჯეჯელავან მთავრობის სხდომის დასრულების შემდეგ ჟურნალისტებს განუცხადა.

„ის რომ ლაშა თორდია არ გაკიდებია არავის იარაღით და გამოიგონეს -ეს იქნებოდა მიზანმიმართული დისკრედიტაცია, და თუ ეს ადამიანი ადასტურებს, რომ დანაშაული აქვს ჩადენილი, მაშინ არანაირ მიზანიმიმართულ დისკრედიტაციაზე საუბარი არ შეიძლება რომ იყოს“,-განაცხადა ვიცე-პრემიერმა.

მისი თქმით, გამოძიება იმისთვის არსებობს რომ რეალობა დაადგინოს.

„გამოძიება იმისთვის არსებობს, რომ რეალობა დაადგინოს, და თუ თორდიაა დასასჯელი, თორდია უნდა დაისაჯოს, თუ ფარცხალაძეა დასასჯელი- ფარცხალაძე. თუ ორივეა, ან ათივეა, მაშინ ათივე უნდა დაისაჯოს. ეს არის ამოცანა. რატომ გამოქვეყნდა და რატომ არ გამოქვეყნდა ადრე, ჩემთვის, მართალი გითხრათ, მნიშვნელობა არ აქვს. ადამიანს რომელსაც დანაშაული ჩადენილი აქვს - ამ მიზეზით გამოქვეყნდა თუ სხვა მიზეზით გამოქვეყნდა- დანაშაული მაინც ჩადენილი აქვს“,-განმარტა მინისტრმა.

მონიკა დავლიანიძე