კომენტარი

ყველასგან ვითხოვ დახმარებას, დაფინანსებას ამ კამპანიის - სალომე ზურაბიშვილი

დაფინანსებასთან დაკავშირებით კომენტარი პრეზიდენტობის კანდიდატმა სალომე ზურაბიშვილმა გააკეთა.

დამოუკიდებელი საპრეზიდენტო კანდიდატის სალომე ზურაბიშვილის განცხადებით, ის მზად არის ყველასგან მიიღოს დაფინანსება.

ზურაბიშვილი მოუწოდებს მხარდამჭერებს, რომ "რუსთავი 2"-ის გენერალური დირექტორის "ფეისბუქ პოსტის" შემდეგ, კიდევ უფრო მობილიზებულები იყვნენ და ნებისმიერი თანხით დააფინანსონ.

„მე ყველას ვთხოვე საჯაროდ, ტელევიზიით და ყველა ფორმით რაც შემეძლო. ყველასგან ვითხოვ დახმარებას, დაფინანსებას ამ კამპანიის. იმის მიუხედავად, რომ სწორედ თქვენი ტელეარხია დირექტორისა და სხვებისგან მოდის მუქარა, იმ ადამიანიების მიმართ, ვინც გაბედავს დამეხმარება და დამაფინანსებს. დღესაც მინდა ყველას მივმართო, ვისაც აქვს საშუალება და როგორი საშუალებაც აქვს სწორედ, რომ აჩვენოს თქვენი ტელეარხის დირექტორს, რომ არავის არ ეშინია დღეს, დამაფინანსოს,“-ამბობს სალომე ზურაბიშვილი ,,რუსთავი 2-ის" ჟურნალისტის მისამართით.

ცნობითვის, რუსთავი 2-ის გენერალრუმა დირექტორმა, ნიკა გვარამიამ ფეისბუქ-სტატუსი გამოაქვეყნა, სადაც წერს, რომ სალომე ზურაბიშვილის დაფინანსება ,,არის ქვეყნის ღია და დეკლარირებული მოღალატის დახმარება."

მანამდე ცნობილი გახდა, რომ დამოუკიდებელ საპრეზიდენტო კანდიდატს ბიძინა ივანიშვილის ძმამ 45 000 ათასი ლარი, კახა კალაძემ კი, 50 000 ლარი შესწირა.