მსოფლიო

კრემლში უარყოფენ, რომ რუსეთში ვადამდელი საპრეზიდენტო არჩევნები გაიმართება

რუსეთის პრეზიდენტის ადმინისტრაციაში გავრცელებული ჭორი ვადამდელი საპრეზიდნეტო არჩევნების ჩატარების შესახებ, კატეგორიულად უარყვეს.

„საუბრები პრეზიდენტის ვადამდელი საპრეზიდენტო არჩევნების შესახებ - მათი გამოჩენის მომენტიდან, სრული სისულელე იყო“,-განუცხადა ჟურნალისტებს ადმინისტრაციის მაღალჩინოსანმა, წერს РиаНовости.

მისივე თქმით, საპრეზიდენტო კამპანიის დაწყება, კანონით განთვალისწინებულ ვადებში მოხდება.

რუსეთის კონსტიტუციის თანახმად, საპრეზიდენტო არჩევნები 2018 წლის 11 მარტს გაიმართება. რუსეთის ფედერაციის საბჭომ საპრეზიდენტო კამპანიის დაწყება არაუგვიანეს 2017 წლის 9 დეკემბერს უნდა გამოაცხადოს.

ვადამდელი საპრეზიდენტო არჩევნების გამართვის შესახებ ეჭვები მედიაში რუსეთის ლიდერის მიერ 23 დეკემბერს პრესკონფერენციაზე გაკეთებული ორაზროვანი განცხადების შემდეგ გაჩნდა.

მაშინ ვლადიმირ პუტინმა ჟურნალისტის მიერ დასმული შესაბამისი შინაარსის კითხვაზე უპასუხა, რომ ვადამდელი არჩევნების გამართავა „შესაძლებელია, თუმცა არ არის მიზანშეწონილი“.

მონიკა დავლიანიძე