კომენტარი

კრემლის პრეტენზიები მიმართულია იმისკენ, რომ უკრაინისა და საქართველოს ევროიტეგრაციას შეუშალოს ხელი - ვლადიმირ ოგრიზკო

უკრაინის ყოფილი საგარეო საქმეთა მინისტრის, ვლადიმირ ოგრიზკოს აზრით, თუკი რეფერენდუმის შედეგად საქართველომ მიიღო ნატო-ში გაწევრიანების გადაწყვეტილება, ეს ქართველი ხალხის გადაწყვეტილება იქნება.

ამის შესახებ ოგრიზკომ ჟურნალისტებს ბრიუსელში განუცხადა.

მისი თქმით, კრემლის პრეტენზიები მიმართულია იმისკენ, რომ უკრაინისა და საქართველოს ევროიტეგრაციას შეუშალოს ხელი.

„თუკი რეფერენდუმის შედეგად საქართველომ მიიღო ნატო-ში გაწევრიანების გადაწყვეტილება, ეს არის ქართველი ხალხის გადაწყვეტილება და არა ხელისუფლების. რუსეთის პრეტენზიები კი მომართულია იმისკენ, რომ კრემლმა ჩვენი ქვეყნების ევროინტეგრაციას შეუშალოს ხელი. ამას ახსნაც აქვს, თუკი საქართველო და უკრაინა იქნებიან წარმატებულები, ეს იქნება იმის დადასტურება, რომ პუტინის რეჟიმი შეუმდგარია, რადგან ის ვერ იძლევა იმას, რასაც დემოკრატია. ამის შემდგომ უკვე გაჩნდება შეკითხვა, როგორ უნდა იცხოვრო მოსკოვში“,- განაცხადა ვლადიმერ ოგრიზკომ.

მონიკა დავლიანიძე