მსოფლიო

კრასნოიარსკის ოლქში ვერტმფრენის ჩამოვარდნის შედეგად 18 ადამიანი დაიღუპა

რუსეთში, კრასნოიარსკის ოლქში სამგზავრო ვერტმფრენის Ми-8АМТ -ის ჩამოვარდნის შედეგად 18 ადამიანი დაიღუპა - აქედან ეკიპაჟის 3 წევრი და 15 მგზავრია.

რუსეთის ავიაციის ინფორმაციით, ავიაკატასტროფა მოსკოვის დროით დილის 5 საათზე ვანკორის ნავთობის საბადოსთან მოხდა. უწყების განცხადებით, გამთენიისას ავიაკომპანია Utair-ის ორი ვერტმფრენი აფრინდა - ერთს, Ми-8-ს გარე ტვირთი ჰქონდა მიმაგრებული და მგზავრები არ ჰყავდა, ხოლო მეორეს, Ми-8АМТ-ს სავახტო მორიგეობის მუშები გადაჰყავდა ნავთობგადასატუმბ სადგურში.

რუსეთის ავიაციის ინფორმაციით, Ми-8АМТ „დაუდგენელი მიზეზებით“ შეეჯახა Ми-8-ზე მიმაგრებულ გარე ტვირთს, რის შედეგად ჩამოვარდა და დაიწვა. Ми-8-მ ტვირთისგან გათავისუფლდა და ასე გადაურჩა ჩამოვარდნას.

რუსული მედიის ინფორმაციით, კატასტროფის ერთ-ერთ ვერსიებს შორის განიხილავენ ვერტმფრენის ტექნიკურ გაუმართაობასა და მფრინავის შეცდომას.